吃喝玩樂

邊間先唔係劣食?
超市盒裝壽司大比拼

巴絲打5個月之前發表

雖然壽司並冇經歷熊熊烈火試煉,又俾人話係白痴港女「傻的嗎,生勾勾」嘅代名詞;之但係食得多 火腩飯,有時都唔想再食到咁膩,壽司確實係一個唔錯嘅選擇。想去壽司店食,出名抵食好食嗰啲成日大排長龍,若果唔係約咗朋友,不如簡簡單單去附近超市買盒過口癮算啦!由於我哋唔係劣食圑團友,所以揀咗TASTE、Market Place同埋AEON 三間高檔少少(好似係)嘅超市,睇吓佢哋嘅壽司邊間比較好食!
TASTE
原本我哋諗住逐間買幾件同款壽司比較,點知筆者去到第一間TASTE就已經觸礁!原來喺預算之內買唔齊想要嗰幾款壽司。咁不如改變策略,set定一個大概金額同指定壽司款式,買兩盒約$80左右嘅壽司組合返嚟,再 同其他對手比較份量。

同一價錢件數最少
相若嘅價錢,TASTE兩個壽司組合加埋數量其實唔多,係三間之中最少, 而且當中並冇乜嘢「名貴」材料。不過唔好淨係用件數去計咁片面,事關當你一夾起嚟同另外兩間一比,就會發現壽司上面嘅魚生係明顯厚身好多,尤其個花之戀更加係幾墜手!

魚生用料好惟飯質較差
除咗夠厚身,平均計魚生質素其實喺三間入面TASTE亦係最好,唔見有偷工減料。不過,壽司畢竟係壽司,冇理由唔去計嚿飯嘅。其實真係好奇怪, 既然啲料都落得幾足,點解個飯會咁乾身嘅?竟然喺壽司飯度失分,令人 百思不得其解。豉油方面比較特別,香得嚟帶有少少酸味。

評分
分量:★ 魚生:★★★
飯:★ 配料:★★★

豉油香中帶有微酸,幾特別

件三文魚最厚

帶子亦又厚又乾身
Market Place
到Market Place買壽司嘅時候,筆者發現有唔少額外特價組合。講緊唔係因為擺耐咗改做特價嗰啲,而係由頭到尾都賣緊特價。可惜由於特價組合壽司款式不符合比拼資格,如果唔係Market Place毫無疑問係最高性價比嘅一間。最後,筆者選擇用同TASTE花費相若嘅價錢去買正價壽司組合, 咁至齊晒款式成行。

中庸之道最平均
其實即使唔計額外特價, Market Place壽司組合仍然比TASTE平,相若價錢可以買多大約三分一嘅件數。不過Market Place壽司上面塊魚生又唔夠TASTE嘅咁厚,所以實際上抵食程度又唔係臝好多,但相同價錢可以揀多幾件唔同類型嘅壽司,感覺相對良好一啲。

魚生尚可個飯易散
數量多,咁魚生水準又如何昵? Market Place壽司嘅魚生質素中規中矩,當 中三文魚明顯比較肥美,值得一讚。可惜,佢哋竟然又係衰喺嚿飯度,事關佢一夾就散,就算你夾得起去點豉油,最後都要剩低半嚿飯喺豉油碟,夾件壽司夾到咁騖心動魄,好大壓力呀喂!至於豉油同wasabi,質素只屬普通。

評分
分量:★★★ 魚生:★★
飯:★ 配料:★

包裝好靚,點知好淡味

三文魚肥美甘香

帶子上面仲有魚子裝飾
AEON
由於AEON旗下有壽司及日式便當嘅外賣店Bento Express,所以大家食到AEON出品嘅壽司機會比TASTE同Market Place大。不過,原來AEON 超市部賣嘅壽司會相對Bento Express高級少少,單價亦會貴一啲。

數量多又最平
AEON呢兩個壽司組合同Market Place數量相若,但總體價錢就平咗幾蚊,「理論上」佢算最平,但睇返啲料又爭咗少少,結果打成平手。相比另外兩間,AEON壽司飯質素明顯較好,結實唔易散。至於魚生質素認真一般,味道相當平淡。最值得讚嘅係豉油同wasabi質素甚高,豉油夠香,wasabi有質感而唔係得個辣字。 總之一分錢,一分貨啦!

評分
分量:★★★ 魚生:★
飯:★★★ 配料:★★★

Wasabi都食到有質感,認真唔錯

魚生比較淡薄

帶子睇落都冇咁靚
總結
食壽司究竟係為咗食條魚生勾勾嘅肥美,定還是品嚐魚生同醋飯天衣無縫嘅配合?其實大家心中有數,百幾蚊食十零廿件壽司,唔係咁有生活態度啩,誠實啲好,只要件數唔好太少,魚生唔好太薄,都一定會返啅啦。

TASTE塊魚生係大件,氹女朋友就啱啦,不過首先你要有……唔講傷心事,三間嚟計佢件數最少,自己一個食嘅話, 唔係首選;AEON個飯同份量都相當有水準,可惜魚生太薄,食飯多過食魚,所以今期係Market Place險勝。當然, 如果有巴打不甘於畀成百幾蚊只係食到「呢個水平」嘅壽司,你不妨試吓冧掂壽司櫃個姐姐,等佢畀定貼士你,睇吓 要幾時幾分入貨先最新鮮,好彩嘅話,仲可能醒多包陳年豉油過你。

相關文章

更多文章

無框世代?
Samsung Galaxy S8/S8+

 蛇叔 於 12小時之前發表

Samsung剛剛喺美國發布全新Galaxy S8及Galaxy S8+兩款2017年度旗艦手機,賣點係打破邊框限制造出超高屏佔比曲面屏幕,想知更多其他賣點就記得睇埋落去。......

詳細閱讀

N64變身Switch底座
兩代主機合作無間

 航仔 於 16小時之前發表

任天堂Switch個底座外形雖然唔錯,但有指佢內層有可能會刮花部機,未必能夠令fans百分百滿意,不過即使冇出現呢個問題,相信都唔會阻擋得到一班fans自製特別版底座,近日Tett...

詳細閱讀

PSV《東亰幻都》、PS4《東亰幻都 eX+》繁中明日上市

 女漢子 於 18小時之前發表

SIEH宣布由日本Falcom監修開發嘅PSV《東亰幻都》,以及PS4《東亰幻都 eX+》繁體中文版將會喺聽日發售。遊戲類型為動作RPG,PSV分為一般及限定版。......

詳細閱讀

真係咁劣評?
Metal Build F91值唔值

 KM 於 18小時之前發表

因為用咗好多金屬部件而且造功好,Bandai嘅Metal Build系列高達大部份都係出咗冇耐就被炒到貴一貴。不過今次作為主角機嘅F91一反常態,保持住喺訂價水平,少數舖賣價更加輕...

詳細閱讀

HTC U五月初發行
主打觸控邊框?

 女漢子 於 21小時之前發表

3月20號HTC「給你意想不到的驚喜」證實只係新色,要S835旗艦只能繼續等到5月。Evan Blass表示,配備S835處理器嘅HTC U將會喺4月中至下旬發表,及至5月初全球發...

詳細閱讀

$72雞翼放題任食4粒鐘
旺角高質文青Cafe介紹

 雅軒 於 1日之前發表

老細話:生意不景氣,月租四萬四!呢間位於旺角嘅Cafe每日下晝二至六都會有雞翼放題,$72任你食。雅軒試過覺得雞翼好食,地方亦舒服,難得旺角有呢間別樹一格嘅Cafe。「無限Q 四味...

詳細閱讀