高登熱話

【高登解密】新M版究竟係咩玩法?

編輯部5個月之前發表

是咁的,噚日用嚟止住渴先嘅高登討論區新手機網頁版(又稱新M版)終於出爐喇!我哋發現唔少巴絲用慣史前科技,棵科技樹忽然向前邁進十年(好似係),反而有啲迷茫,為咗確保大家盡快上手,同埋唔使等阿Joe用手寫板慢速回覆等到瞓著,我哋編輯部誠意送上新M版常見Q&A,歡迎各位參考。
1. 圖片自己下載好食數據/白色好刺眼,可唔可以搞搞佢?
新M版預設開啟自動下載圖片功能+白色介面,點左上角選單,再撳設定掣進入設定頁面,就可以開關自動下載圖片功能同轉黑色模式。轉極都轉唔到有兩大可能:一)喺設定開關任何功能後請按「儲存」掣,否則撳到2046都唔會得!二)如果都唔成功就麻煩清咗瀏覽器cache或者開無痕模式,總之萬大事一定清cache先。

左上角開選單,入「設定」

預設開咗「自動下載圖片」

set好撳「儲存」,網頁會自己重新整理一次應用設定

白變黑,搞掂
2. 乜嘢係「I go to school by bus」模式?
根據非正式統計,呢條係最多巴絲會問嘅問題。如果你覺得開完無分別,一定係未試過入po睇文,呢個模式就係將最頂條題目,轉晒做「I go to school by bus」。實際有幾大作用好睇人,例如怕醜巴打搭車唔想企隔籬嘅知你睇緊咩,鹹故po之類,可以開嚟擋一擋。

開啟「I go to school by bus」模式前

開啟「I go to school by bus」模式後
3. 搜尋冇反應嘅喂?
有巴打反映打完字之後,狂篤右上角粒「放大鏡」都出唔到搜尋結果。其實打完之後,你要撳一撳鍵盤程式個「Go/前往」掣,系統至會收到order做嘢。如果係用電腦上,撳鍵盤個「Enter」掣啦。

打入「林祖舜」三個大字,撳鍵盤程式諸如「Go」嘅確認掣,唔係輸入欄右邊個放大鏡

正常出到結果
4. 轉頁撳掣好唔人性化,快啲得唔得?
新M版篤右下角粒黃色頁數掣,右面彈list揀頁數之外,仲有一個轉頁方法。閣下用iOS肯定已經發現咗,新M版無論喺po內定外,向左掃=上一頁,向右掃=下一頁。跳頁捷徑嘅話暫時未有,要撳掣揀頁數。


5. 啲po左上角個「神秘三角」意義何在?
好失望,討論區竟然冇咩人問呢條問題,可能巴絲打們真係好聰明。不過以防萬一都講解吓,呢個三角形係「回帶」功能一部份,簡單嚟講即係你瀏覽過個po。新M版除咗開選單入「回帶」睇番瀏覽紀錄,所有你睇過嘅po右上角都會加個灰色三角形,以資識別。

對燒山個po好有興趣,click入去

睇完

出番去,左上角即刻多個三角形
6. 「留名通知」即係點/點用?
入去你想繼續追嘅po,點一吓右上角個書籤,系統會將個po放入「留名」清單,書籤亦會由白變紅。當有新回覆嘅時候,會自動彈出「留名帖有更新!」提示,入番去「留名」頁面點開番個po睇新回覆,成件事就係咁簡單。

例如你終於頂唔住CEO慢速回覆,想之後再睇

點右上角書籤,得咗變紅色

入返選單揀「留名」,會見到個po名已留

一旦有新進展,會即刻彈出通知
7. 「追蹤」功能同「回帶」有咩分別?
咁就要睇你係追人定追po,假如你係某巴打嘅忠實fans,好想全天候跟進佢嘅最新動向,咁就必定要試用吓「追蹤」。佢嘅作用類似YouTube訂閱掣咁,當你睇完一個po發現自己被巴打嘅才華深深折服,可以篤一篤用戶名右邊嘅箭嘴,選擇「追蹤」,之後入選單頁面點選頭先個po,目標巴打所開嘅主題即刻一眼睇晒,但留意追蹤時限最長係90日,再之前嘅po唔會出現。

例如我好鍾意睇「大號叫乜哥」嘅po

點用戶名右邊箭嘴,揀「追蹤」

成功後將彈出提示

打開選單,去番右下角「追蹤」

再點多次頭先個po

出過嘅po一覽無遺
8. 新M版又如何,我唔要用廢app呀,幾時有新app呀?
實際日期需視乎相關同事爆肝速度,唔會耐嘅仲唔知死咩,上星期CEO話嘅,如無意外2至3個星期內上架。

相關文章

更多文章

《加勒比海盜:惡靈啟航》
醞釀魔盜王接班人

 KS 於 9小時之前發表

不經不覺,《加勒比海盜》系列原來已拍了14年,連同最新的《加勒比海盜:惡靈啟航》來計,有了5齣作品。未知還有多少「魔盜王迷」尚會誓死追隨系列靈魂人物,即尊尼特普飾演的Captain...

詳細閱讀

好game有好報
《巫師3》今年首季銷量仲高過上年同期

 航仔 於 1日之前發表

一隻好遊戲究竟壽命可以有幾長?波蘭遊戲開發商CD Projekt Red早前公布2017年第一季度財務業績,總收入增長17%,達9930萬波蘭茲羅提,奇就奇在CD Projekt ...

詳細閱讀

X-Men外傳《The New Mutants》行恐怖片路線

 航仔 於 1日之前發表

Marvel超級英雄片雖然娛樂性爆燈,但格局略嫌大路,欠缺驚喜,因此《死侍》、《盧根》等具備另類風格嘅作品至能夠成功跑出,X-Men外傳電影《The New Mutants》更計畫...

詳細閱讀

都係窄邊框
Galaxy Note 8疑似邊框流出

 蛇叔 於 2日之前發表

日前同大家分享過一段懷疑係Galaxy Note 8 Dummy嘅短片,真假就肯定證實唔到,但黑色一舊膠實在較難令人信服,不過今日再有人爆料,唔知今次可信性由有幾高?
......

詳細閱讀

唔止容量多咗咁簡單?
紅米Note 4X高配版

 蛇叔 於 2日之前發表

3月嗰陣小米香港引入紅米Note 4X,雖然規格為佢帶來好評,但有部份人認為3GB RAM+32GB ROM配置始終唔夠用,所以後來香港亦順應民意加推高配版。......

詳細閱讀

Fuze Card:一張智能卡取代30張卡

 航仔 於 2日之前發表

「一卡傍身,世界通行。」 - 呢句出自某大信用卡公司嘅經典宣傳標語,原本Plastc智能信用卡可真正實現,可惜呢個眾籌項目最終以爛尾收場,未竟全功。最近Indiegogo再殺出擁有...

詳細閱讀