吃喝玩樂

添加場景台座更有型
本地創作猿空全可動Figure

KM4個月之前發表

好多有玩開Figure嘅朋友都知道,一講到12吋Figure,香港公司嘅製作水平絕對係世界級。不過講到角色本身,就經常拎外國版權番嚟做,冇計啦,香港冇咁多足以揚威海外嘅故事角色。本地有位設計師一直創作擁有自己特色嘅角色,仲推出好多相關12吋Figure。最新推出嘅作品係2007年創作嘅「西遊戰記—猿空」故事中主角猿空,並首次配合Figure而加入大型場景台座,設計精細加上高要求造工,絕對係值得支持嘅本地創作。
猿空嘅設計概念無疑係來自《西遊記》孫悟空,故事入面猿空係可以遠越時空拯救地球嘅超級武者。據設計師Winson所講,猿空Figure整個設計及開發過程歷時九個月,細節修改超過一百次,結果成品令人驚喜。

鐵甲猿猴

拆咗面具入面猿空個樣寸寸哋。

座台上面有「隻」死咗嘅鋼牛。

槍有磁力可以就咁攝住喺腰。

面具入面都整得好精細。

真皮質感一流。

上色金屬感非常真實。

胸甲都好多細緻位。

附送配件(另外仲有兩個拳頭)

金剛棒可以拆開兩包短劍,槍原來有整埋彈匣。
仔細睇,猿空Figure造工仔細度確係遠超市面上唔少12吋Figure產品。由於猿空本身係一隻人猿,身體上面嘅毛髮色彩同質感都非常真實,面部肌肉紋理上色亦見仔細,寸寸哋嘅表情抵死又吸引。裝甲嘅上色顯現出非常真實嘅金屬感,配合車工精細嘅真皮外衣,其質感表現非一般12吋Figure可媲美。不過呢套猿空Figure仲有另一個賣點,就係附送一個情景台座,呢個台座上面有「一隻」被猿空KO咗嘅赤烈(鋼牛)。唔好睇少呢個台座,事關佢不但造工精細,上色層次感真實感都唔馬虎,放埋隻猿空上去型到震。
◆ 設計師Winson Ma
今次筆者前往創作人Winson嘅工作室拍攝猿空,既然Winson在場,當然要問幾條同猿空設計相關嘅問題啦:

問:猿空設計上似乎係取材自孫悟空,而個台座上面隻赤烈則似係取材於牛魔王,可唔可以咁講呢?
答:表面看角色上有孫悟空和牛魔王嘅想法,但實際我設計上用上十二生肖作為呢次「辰之戦」內嘅對戰人物,剛巧十二生肖內亦有猴和牛這兩隻年獸,所以在背景故事上絕對與《西遊記》無關。

問:見你之前嘅作品都比較「和平」,但今次就幾明顯有「攻擊性」,點解會有咁嘅轉變呢?
答:有和平相對亦就有戰爭,呢次希望能創新一個有中國文化特色嘅西方科幻題材故事,作為一個創作人,亦想突破自己過往嘅創作。

問:可唔可以講下點解你嘅作品都以猿為主?係你自己個人鍾意定有其他意義?
答:猿和𤠣一直係我童年最愛的動物和人物,從黑白電視機內看到的《猿人襲地球》,至1930年重溫嘅黑白電影《King Kong》,喜歡電影背後的製作過程,化妝及模型特效,直到今天喜愛程度不減。
定價: $2,880

相關文章

更多文章

仲逐筆塗咁落後?
Pixiv推出AI自動上色服務

 女漢子 於 1小時之前發表

早排Google嘅AI畫圖工具AutoDraw上線,一時之間人人搶住同佢猜猜畫畫,不過對於認真畫圖嘅繪師嚟講,AutoDraw就只係幼稚園級塗鴉。近日日本同人分享平台Pixiv推出...

詳細閱讀

挑戰不同尺寸
Asus發佈新系列Zenbook

 蛇叔 於 2小時之前發表

台灣正值舉行緊Computex電腦展,而Asus就喺當地發佈會推出咗一系列Zenbook同VIVOBOOK新產品,想知今年新款Notebook有咩特色?入嚟睇睇喇!......

詳細閱讀

推蓋變鍵盤?
LG V30新副屏幕樣式曝光

 蛇叔 於 3小時之前發表

LG V10唔經唔覺推出接近兩年,唔計燒底板負面事件,基於副屏幕同DAC兩大賣點,佢至今仍然非常賣座。不過近日有人喺Twitter大爆年底先發佈嘅V30,推出後V10、V20兩代可...

詳細閱讀

嚴防恐怖分子
美國擬國際航班禁攜電腦上機

 女漢子 於 3小時之前發表

商務人士坐長途機為求趕工不時會機不離身,但日後乘坐前往美國嘅航班或者被迫要擺埋部電腦。美國國土安全部部長John Kelly表示,白宮考慮緊收緊法例,禁止國際航班乘客攜帶手提電腦進...

詳細閱讀

下個科技突破來自邊度?
Apple創辦人Steve Wozniak睇好Tesla

 航仔 於 3小時之前發表

下一個科技界重大突破會係乜?幾時會到?相信好多人都想知,Apple共同創辦人Steve Wozniak估計可能來自Tesla嘅Elon Musk手筆,而唔係由自己親手建立嘅Appl...

詳細閱讀

牛津街水上歷險!
Topshop期間限定VR滑水道

 女漢子 於 4小時之前發表

VR可以化不可能為可能,例如「親身」落場同殭屍對打、揸靚車喺公路踩行油奔馳等,近日Topshop喺旗艦店開設SPLAHS!滑水道,用另一個角度感受英倫景觀。......

詳細閱讀