吃喝玩樂

有冇錢一樣盡興
教你C3HK 2017入場四種玩法!

編輯部3個月之前發表

嚟緊星期五C3日本動玩博覽(C3HK)2017就開幕,動漫電玩迷例牌都要入場打卡,之後有冇錢消費因人同利是錢而異。但到時場內人山人海,漫無目的跟人海亂行唔係辦法,我哋整理C3展品同活動資料,針對唔同興趣、財力嘅人士推介必睇/買項目,窮有窮玩,富有富玩,入場門票嗰$35(預售$30)實賺冇蝕。
高達迷、「高登佬」:限定模型同1:1雷神
高登巴打幫襯最多嘅玩具精品品牌首選實係Bandai,今次C3HK佢哋照舊有超大型展攤,位置係A-38/A-53,同時推出1隻會場優先同2隻會場限定嘅高達,包括1/100巴巴托斯 天狼型高達透明版、1/144 HG 高達RX78-2透明版同埋RG 1/144迷網高達電鍍版,高達迷入場必搶。而A-43 SUNRISE喺2月11號(星期六)仲舉辦兩節關於THE ORIGIN嘅分享會,請來兩名製作人分享創作背後嘅故事,每節頭50個參加者會有禮物收。
除咗高達,有番咁上吓年紀嘅「高登佬」好多都鍾意《高智能方程式》。A-20 MEGAHOUSE呢次就擺咗架1:1嘅超級雷神01,大家可以近距離欣賞,手頭鬆動仲可以考慮買會場優先發售嘅超級雷神AKF-11 metallic version。
如果想支持吓本地產品,不妨去A-31 Asia Goal,買隻先行發售嘅Ori Toy Acid Rain Puppet Container Guard香港版。細細隻擺落唔阻掟,放辦公室都問題不大,加上可動性高又精細,香港獨有,絕對值得收藏。



後生一輩:必搶大熱動漫周邊+黏土人
C3場內不乏熱門角色同作品嘅周邊,例如好幾個參展商都推出咗《Re:從零開始的異世界生活》嘅周邊。A-25 TV TOKYO嘅$250福袋,包括紙袋、耳機、背囊同300cc玻璃杯一個,仲有拉姆雷姆兩姊妹嘅正反面抱枕,丟你拉姆定雷姆任君選擇。A-44角川亦於場內優先售賣「雷姆之日」B2掛軸。LoveLive最新作《LoveLive! Sunshine!!》水團喺A-2 BUSHIROAD除咗有等身大紙板影相,仲有多款精品,$90大匙扣屬於優先發售款式。A-48 Aniplex亦非常update,因應《刀劍神域》劇場版「序列爭戰」推出相關掛畫、手巾同卡套,全部都係C3先行發售。

A-25 TV TOKYO有Re:0福袋、T及抱枕

A-44角川「雷姆之日」B2掛軸,另有《你的名字》

A-2 BUSHIROAD有LL水團周邊

A-48 Aniplex將現場發售《刀劍神域:序列爭戰》周邊
玩game或者偏好同人作品嘅亦有貨,A-10 PikattoAnime預定出售KEY社《Little Buster!》、《Angel Beat!-1st beat-》同埋東方嘅掛畫加精品,攤內亦會展示多個著名插畫師嘅畫作。收開黏土人/figma就記住去首次參展嘅A-16 GOOD SMILE COMPANY兜個轉,事關現場率先接受「黏土人 雪初音Twinkle Snow Ver.」、「figma雪初音Twinkle Snow ver.」、「艦隊Collection黏土人 瑞鶴改」及「figma Saber/阿爾托莉亞・潘德拉岡[Lily] 第三再臨ver.」預訂。每日設限額,先到先得。
不課金主義:試打新game、睇《攻殼》漫畫再抽獎
銀根短缺者齋睇唔買之外,亦未至於冇其他細藝。A-47 BANDAI NAMCO Entertainment即場設置數十部機體,畀大家試玩《加速世界VS刀劍神域:千年的黃昏》、《刀劍神域:記憶重組》、《鐵拳7》、《超級機器人大戰V》等遊戲。早前到港取景嘅電影《攻殼機動隊》一樣喺C3開檔(A-23),展品包括原裝漫畫、特定版figure,參加活動仲有機會拎電影紀念品。唔啱嘅轉番去A-43 SUNRISE,以大銀幕重溫多套新舊作品、欣賞插圖都係唔錯嘅選擇。

動漫音樂/聲優宅:做鐵馬打call組
講到C3點少得主舞台活動,唔記得/刷唔到場內飛,照樣可以喺外圍鐵馬霸定靚位等打call睇show。嘉賓名單眾多,惟有每日揀一個做重點推介。首先2月10號(星期五)[email protected][email protected]唱會螢光棒賣(注意:舊貨嚟),未入手嘅不妨買番支。
◆ 五位出席聲優:中村繪里子(聲演天海春香)、仁後真耶子(聲演高槻彌生)、田所梓(聲演最上靜香)、伊藤美來(聲演七尾百合子)、渡部優衣(聲演橫山奈緒)
2月11號(星期六)就必選7點半開始嘅鈴華優子SPECIAL LIVE,不時有巴打喺forum討論佢擔任主唱嘅和樂器樂團,今次佢以個人名義來港演出,冇成隊band同淨唱自己歌可能差啲,但有機會現場真係唔聽?相信屆時會獻唱《SD高達G世代創世》嘅OP「永世のクレイドル」。
2月12號(星期日)的話就記住睇4點半、LoveLive μ's聲優之一嘅飯田里穗,上年佢嚟過香港參加「Anison Dream Stage 2016」,門票極速售罄。而家竟然有免費睇嘅機會!佢同時會出席2點嘅「ULTRA HEROES & KAIJU GIRLS SPECIAL LIVE 」。
至於未買同買咗3月「Anisong Fantasy Live」嘅巴絲都必去A-49主辦開嘅攤位,夠膽大展歌喉參加唱K比賽,即可獲橡膠手帶一條,各時段得分最高者可以免費獲得D區門票兩張(每張價值$480)。持票者更可報名2月11號場內嘅春奈露娜擊掌會,以及參加抽獎。臨時發現軍火螢光棒壞咗,去A-35 LUMICA買支24色LUMIACE 2 OMEGA又可以再戰三百個回合。




C3日本動玩博覽2017
日期:2017年2月10日(五)至2017年2月12日(日)
時間:12:00-21:00(五、六)/12:00-19:00(日)
地點:香港會議展覽中心3號BCDE展廳
門票售價:預售$30、現場$35
(預售門票於各大OK便利店、7-11便利店、MCL院線、動漫世界及namco有售)

相關文章

更多文章

都係窄邊框
Galaxy Note 8疑似邊框流出

 蛇叔 於 9小時之前發表

日前同大家分享過一段懷疑係Galaxy Note 8 Dummy嘅短片,真假就肯定證實唔到,但黑色一舊膠實在較難令人信服,不過今日再有人爆料,唔知今次可信性由有幾高?
......

詳細閱讀

唔止容量多咗咁簡單?
紅米Note 4X高配版

 蛇叔 於 11小時之前發表

3月嗰陣小米香港引入紅米Note 4X,雖然規格為佢帶來好評,但有部份人認為3GB RAM+32GB ROM配置始終唔夠用,所以後來香港亦順應民意加推高配版。......

詳細閱讀

Fuze Card:一張智能卡取代30張卡

 航仔 於 12小時之前發表

「一卡傍身,世界通行。」 - 呢句出自某大信用卡公司嘅經典宣傳標語,原本Plastc智能信用卡可真正實現,可惜呢個眾籌項目最終以爛尾收場,未竟全功。最近Indiegogo再殺出擁有...

詳細閱讀

印出哈利波特魔法相?
Prynt Pocket相片打印機

 女漢子 於 12小時之前發表

哈利波特故事裡面相片唔係靜態,會好似動畫咁動起來。如今麻瓜世界有公司透過AR技術,製造出近似效果,只要利用手機app+相片打印機,自製魔法相其實唔難。......

詳細閱讀

等身大限量《Summer Lesson》宮本光!
淨計運費都過萬

 女漢子 於 13小時之前發表

上個月尾PSVR《Summer Lesson》上市後,一眾巴打應該同宮本光妹妹玩得不亦樂乎。想更加朝夕相對?日本Premium Bandai推出咗1:1等身大宮本光figure,限...

詳細閱讀

唔再齋睇咁悶
HTC Link手機VR裝置發表

 蛇叔 於 15小時之前發表

VR雖然仲未普及,但裝置選擇都算係平有平玩、貴有貴玩,即使僅僅用Samsung手機都有Gear VR可以揀。不過HTC今日正式發布第二款VR裝置 - HTC Link ,設計針對番...

詳細閱讀