科技消費

Sony公布兩支新FE鏡頭包括一支G Master

拜人1個月之前發表

Sony啱啱公布咗兩支全新FE鏡頭及一支新閃光燈。兩支鏡頭包括平價人像鏡頭85mm f1.8同埋一支100mm f2.8 STF OSS G Master。就咁睇都知最矚目嘅肯定係後者,因為佢唔單只係暫時最長焦距嘅FE定焦鏡頭,更加擁有STF效果同埋仲要係G Master級數,相信令唔少鍾意拍攝人像嘅朋友苦惱如何決擇。另外Sony亦同時公布一支新中級閃光燈HVL-F45RM,內置Sony嘅RF無線閃燈系統。
◆ FE 100mm f2.8 STF OSS G Master
◆ FE 85mm f1.8
FE 85mm f1.8鏡頭其實冇乜特別,主要都係賣平價($600美金),不過濾鏡口徑只有67mm,應該同時會幾輕便。按官方MTF圖嚟睇解像力都好高,絕對係平價打女恩物。另一支FE 100mm f2.8 STF OSS G Master,成為咗Sony暫時最長焦距嘅E/FE mount定焦鏡頭。作為G Master嘅新成員,佢嘅光學質素當然畀到人信心。而更重要嘅係佢亦係Sony第一支擁有STF效果嘅E/FE mount鏡頭。同A Mount嘅135mm f2.8 STF比,今次呢支100mm更擁有自動對焦功能(留意135 f2.8 STF並非G鏡),吸引力實非之前一支可以媲美。補充一下,STF全寫為「Smooth Trans Focus」,係利中一塊中間同外圍透光度唔同嘅玻璃,製造出景深以外Outfo嘅物件會出現濛得嚟又好順滑嘅特別效果。不過由於呢塊由中央向外漸變嘅減光鏡片,所以當開到最大光圈時,鏡頭嘅實際通光率會低咗。而呢支鏡最大光圈f2.8時,其通光率就只相當於f5.6,所以大家會見到光圈環上面最大光圈只有T5.6。不過大家唔需要太擔心,因為今次支鏡仲內置埋OSS防手震功能,快門慢少少都唔怕手持拍攝,如果配合有機身防震嘅相機型號就更加穩陣。定價比同廠人像鏡王FE 85mm f1.4 G Master平少少,為$1500美金。
◆ HVL-F45RM
另外一支全新閃光燈HVL-F45RM,最高輸出為GN45,同時內置LED以拍片之用。新燈最大賣點係內置咗Sony全新嘅RF無線遙控閃燈系統,可以作為Master或者Slave之用。定價為$400美金。

相關文章

更多文章

花展實戰!
Asus Zenfone 3 Zoom試後報告

 蛇叔 於 2小時之前發表

Asus月初發表全新ZenFone 3 Zoom,好多人都將注意力放晒落規格之上,但實際上佢兩個後置鏡頭都可以應付廣角同遠攝,究竟呢對鏡頭係咪被大家低估同忽略咗呢?......

詳細閱讀

《攻殻機動隊》預告
生化人起義

 KS 於 3小時之前發表

說好的日本近代漫畫經典之一《攻殻機動隊》終於拍成真人版電影,於3月30日上映!而且電影更找來位列女神級的施嘉莉祖安遜BB飾演生化人草薙素子、日本導而優則演的北野武作為她的上司荒卷大...

詳細閱讀

數碼捕籠帶你突入秋葉源SOD VR網吧!

 數碼捕籠 於 18小時之前發表

VR畀到大家更唔同嘅親身體驗,今次數碼捕籠同大家去到東京秋葉源,親身去到SOD開嘅VR網吧,睇一下入面有冇咩咁特別先。......

詳細閱讀

《一念無明》
香港還有光明嗎?

 KS 於 1日之前發表

有誰不知道「香港勁揪」?由想當年經常提到的獅子山下精神,去到現在牛下女車神李慧詩,又或者超繩量級拳手世界排名第一的曹星如,不忘用體力、汗水,於「沒有經濟價值的運動城市」下拼出一片天...

詳細閱讀

《正義聯盟》預告 唔只得5位英雄現身

 航仔 於 1日之前發表

《正義聯盟》最近公布長2分25秒嘅先行預告,比上年SDCC發布嘅「素材」有更多名主要角色登場,除蝙蝠俠、神奇女俠、閃電俠、水行俠及鋼骨之外,連水行俠妻子梅拉(安芭赫德飾)亦性感現身...

詳細閱讀

遊戲動畫師為《Mass Effect》新作問題解畫

 航仔 於 2日之前發表

《Mass Effect: Andromeda》角色面癱風暴導致網絡騷擾事件,資深遊戲動畫師Jonathan Cooper近日亦談到《Mass Effect》新作人物面部表情爭議,...

詳細閱讀