吃喝玩樂

真係咁劣評?
Metal Build F91值唔值

KM2個月之前發表

因為用咗好多金屬部件而且造功好,Bandai嘅Metal Build系列高達大部份都係出咗冇耐就被炒到貴一貴。不過今次作為主角機嘅F91一反常態,保持住喺訂價水平,少數舖賣價更加輕微回落,事關唔少提早預訂嘅朋友即日開箱都表示失望。佢係咪真係如傳說中咁差先?筆者今次抱住必死嘅決心,自己出錢買隻返嚟,同大家check吓佢係咪真係咁劣評。
老實講,畀錢嗰下筆者都有少少肉赤,佢價錢同當日隻金迷接近,但個盒嘅size就同最MB系列入面最平嘅Gundam EXIA Repair差唔多(雖然F91本身設定就細隻啲),而且配件唔多,感覺好似特別貴。拎到返公司開盒,所有嘢一如預期,真係得咁少料……冇計啦,冇巨形背包,又冇特別武器嘅F91係得咁多嘢之嘛。
◆ 機體、底座加幾件武器,就係得咁多嘢
◆ 其實都幾有型吖
◆ VSBR可以話係F91嘅重點,而今次MB設計到佢都幾複雜,除咗拉長咗,仲會拉闊埋,更加有氣勢
◆ 其他武器就得咁多,留意支大砲線條都幾精細
拎隻F91上手,原來都好墜手喎,話明Metal Build,唔係咁就死得啦!身形比例同以往大部份Metal Build一樣,上身同兩膞裝甲比較大,雙腿冇設計得特別長,腳掌亦比較細。雖然呢方面風格相近,但筆者覺得F91整體身形比例比突擊自由等同系產品嚟得順眼。另外,今F91並未有加入太多原設計冇嘅色塊,保留F91原有簡約嘅風格,更突顯F91嘅曲線美。上色方面,全身都上咗光面,原白色部份採用咗冷調淺灰,關節上咗黑鐵色,胸甲就用咗偏沉嘅深藍色,整體感覺比較cool,但唔會陰陰沉沉。而成隻嘢最搶眼嘅地方,就係背部兩支鮮藍色嘅VSBR,平時放背面唔係好覺眼,但發射狀態放返去前面時就好突出,配色極有心思。F91另一個特別設計係會「變臉」同兩膊拉開,主要係需要高輸出時作散熱之用。Metal Build作品中兩膞散熱片可以直接拉出,而為咗滿足唔同要求玩家,Bandai就整咗一個可以「變臉」嘅頭,再整多個「換面」嘅頭打孖咁送埋畀你自己揀。前者當然係更貼近真實,而後者造型上比較靚,不過其實「變臉」個頭都唔係太差啫!
◆ 左邊係平常狀態,右邊係高輸出狀態
◆ 「變臉」過程並唔複雜,但要注意左右兩邊要合埋得啱啱好先會靚
◆ 左邉係「變臉」頭,右邊則係「換臉」頭,筆者就覺得變臉好玩啲,而且都唔係特別樣衰吖
◆ 除咗散熱板,上方散熱窗亦合伸出
雖然配件唔多,但反而令呢隻F91冇其他多配件嘅高達咁累贅,配合Metal Build關節上都設計到大幅度可動,要擺出唔同靚pose根本完全難唔到佢。
◆ 左手邊裙甲可以打開拎兩把鐳射劍
◆ 手可以180度摺起
◆ 成隻嘢筆者最唔滿意反而係後面夾大砲個位夾唔實支大砲,搞到好易唔平衡
◆ 大脾同小腿動作可以好大,膝部有輕微連動,唯腳掌可動角度一般
◆ 反而個盾好多角度都會畀膊頭裝甲頂住
◆ VSBR開動,不過原來一雙手好難放啱手柄位
總括嚟講筆者認為呢隻不論喺造型、造工同埋可動性方面都有好高水準。初出售價雖然同其他大部份Metal Build高達相近,但機體較細、配件少,的確會令人覺得佢唔抵玩。雖然個別店舖落過少少價,但全被秒殺,似乎暫時唔會有太多誘因再落價。當然,F91並非多人鍾意嘅機體,如果以「保值」為重要考慮因素,個人建議要三思。如果單純想買一隻靚嘅高達返去玩,「早買早享受」都係唔錯嘅選擇。

相關文章

更多文章

Nyko Switch底座超輕便
價錢平過官方版一半

 航仔 於 15小時之前發表

任天堂Switch底座咁大部,但其實純粹只係輸出影像到電視,並無任何運算強化功能,而且底座內層冇加軟墊,當Switch插入底座時有可能被內層刮花。Nyko最近公布一款超輕巧Swit...

詳細閱讀

傳Galaxy Note 8定價999歐元
三星史上最貴

 航仔 於 15小時之前發表

早幾日有韓媒稱Galaxy Note 8會喺8月底公布,但VentureBeat引用匿名消息人士透露,Note 8要到9月底亮相,兼且有望成為三星旗下最貴手機,零售價高達€999,...

詳細閱讀

《侏羅紀世界2》公布正式名稱及海報

 航仔 於 1日之前發表

2015年上映嘅《侏羅紀世界》未必能夠令人留下深刻印象,但佢嘅全球票房至今仍穩坐數史上第四位,電影續集正式名稱及首張海報終於公布,名為《Jurassic World: Fallen...

詳細閱讀

Minions再襲老麥
全系列食品飲品甜品都有

 KM 於 1日之前發表

嚟緊6月29號開始,Minions會大舉入侵麥當勞,推出一系列Minions風格口味嘅新包、小食、飲品、甜品仲有精品!今次仲連McCafe都唔放過,總之誓要你入得麥當勞嘅門口,唔掂...

詳細閱讀

高通隔空打嘴炮:
冇我何來有iPhone

 女漢子 於 1日之前發表

Apple及高通就技術專利使用收費嘈到火紅火綠,偶爾透過媒體向對方開火,高通副執行總裁Don Rosenberg日前更意圖彰顯高通技術對Apple嘅重要性,指冇咗高通支持,iPho...

詳細閱讀

摺機仲有新機?
Samsung發布Galaxy Folder 2

 蛇叔 於 1日之前發表

摺機被直板機取代多時,但韓系同日系牌子至今都仲有推出少量摺機型號,正如Samsung 近日發表Galaxy Folder 2,定位都係中低價產品。

......

詳細閱讀