科技消費

勒索病毒全球性大爆發
今次唔中下次都輪到你?

KM14日之前發表

呢兩日有隻叫WannaCry勒索病毒全球性咁大爆發,唔少大機構甚至唔同國定嘅政府機構都出事,好多重要檔案畀人鎖晒勒索金錢。好多人覺得自己屋企部電腦淨係用嚟上下網,冇乜重要嘢所以冇所謂,但有冇諗過今次可以鎖你唔重要嘅檔案,下次就可能係偷你重要嘅密碼!
先防WannaCry
今次WannaCry搞到人心惶惶,如果你好彩未中但仲驚緊,可以試用下面幾個方去令你安心返啲:

方法一
今次WannaCry主要係針對Windows嘅漏洞作出攻擊,但其實Microsoft方面早已提供更新去填補。所以第一件事就係先進行Windows Update(不過你仲用緊Win XP就冇計喇),咁應該至少唔會再受WannaCry攻擊,不過所謂道高一呎魔高一丈,咁都唔可以保證WannaCry會唔會有新版本或者有其他同類病毒透過Windows其他漏洞入侵。
方法二
或者仲有唔少朋友用緊開心版Windows而唔敢進行Windows Update,咁你可以去撳入你Windows嘅「控制台>系統>遠端設定(唔同版Windows路徑會有別)」,然後取消「允許到這部電腦的遠端協助連線」同選擇「不允許遠端連線到此電腦」,完全關閉被外部控制Windows嘅功能。

方法三
另外當然係安裝返個網絡保安軟件,市面一啲保安軟件係有針對呢類勒索病毒嘅特性,識得喺任何檔案被強行加密前先行備份或者識得將個修改動作「虛擬執行」一次先。不過當然呢類軟件可能會令你感到電腦速度有少少減慢,而且多數都係收費軟件啦!至於裝唔裝同揀邊隻,就由你自行決定喇,費事你哋以為我賣廣告啦。

方法四
如果你屋企有用Router,就可以利用Router內置嘅基本Firewall功能。只要你冇特別需要,其實可以長期關咗Router內置嘅DMZ功能,呢個功能本身就係令你部電腦變到好似直接連上互聯網咁,方面一啲遠端存取嘅功能。所以關咗佢,其實你部腦已經安全好多。另外Router亦內置一個叫UPnP嘅功能,呢個功能一樣有機會令電腦處於直接暴露於Internet,所以冇乜要用,都可以長期關咗佢。

方法五
關閉SMB功能,呢個Windows內置功能主要係畀用家電腦間交換檔案之用,關嘅程序比較複雜而且有機會影響到日常使用,筆者就覺得無謂咁做。
中咗有冇得救?
勒索病毒其實一直以嚟都存在,只不過今次所WannaCry直情識得透過Internet主動攻擊Windows系統,所以就算你平時幾小心同埋唔上可疑網站,都係有可能會出事。呢類病毒會將你電腦入面啲檔案加密,然後勒索你畀錢先解得返。由於佢哋通常都希望你肯畀錢,所以一般勒索金額都唔會貴到你畀唔起。就以今次WannaCry勒索病毒為例,解鎖金額為$300美金,呢個金額甚至比你壞Harddisk要救Data更平,好多人都費事煩直接畀錢解鎖。但留意過往其實亦有唔少案例係你畀咗錢而最後都冇幫你解鎖,就好似畀咗錢啲綁匪但最後都係被撕票一樣。

咁如果真係畀唔起錢又或者唔想助長呢啲事,會唔會有其他方法解救到啲檔案呢?答案係「睇你造化」。通常呢類病毒程式都係用一啲接近冇可能逆向還原嘅方法去將你檔案加密,所以實際上你冇乜可能搵到解救方法。如果你咁啱中咗個萬中無一有解救方法嘅勒索病毒,我會建議你順手去買六合彩。
盡量避免高危動作
今次WannaCry係利用Windows嘅漏洞入侵,變相差不多可以話防不勝防,因為Windows系統仲有幾多其他漏洞,係連Mircosoft都答你唔到。但唔通你話人總有一死,就可以隨意去玩命咩?其實好多人用電腦嘅不良習慣,係會大大提升你中招嘅機會,咁有啲咩呢?

不良習慣一, 收到乜都直接開
人嘅本性就係冇事冇幹嗰陣個個對周遭嘅介心都好低,任何電郵、IM等send過嚟嘅檔案諗都唔諗就開咗。雖煞今次WannaCry唔係用呢種方式,但實際過去大部份勒索同木馬程式都係透過呢種手法去入侵。

不良習慣二, 為方便置自己部電腦於危險地帶
上面教大家防WannaCry嘅方法當中,其實有三項都係教大家點去令自己部電腦避開危險地帶。例如覺得自己部腦冇重要嘢又唔想減慢速度而唔裝保安軟件,又例如為咗方便BT而開咗Router嘅DMZ功能等等。

不良習慣三, 胡亂安裝免費軟件同上危險網站
好多人只要聽到朋友甚至網上唔誋識嘅人話某程式或者App好用就裝就玩,其實有時你部機畀人Hack或者你個人資料漏咗出去,都可能係關呢啲不明來歷程式嘅事。
有冇計安全啲但又玩得開心嘅方法?
照上面咁講,唔通你叫人用電腦同上網乜都唔好做咩?咁同斬腳指避沙蟲有咩分別?況且今次WannaCry係主動攻擊,根本防不勝防。筆者當然唔係叫你哋乜都唔玩,但其實有幾點建議係希望大家改變少少習慣,咁已經安全好多:

1, 重要檔案常備份
呢樣嘢真係老新常談,就算你有備份重要檔案,都有機會壞HD、壞DVD、唔見USB手指……其實依家好多雲端服務例如Google Drive都係免費,真係好重要嘅檔案例如好有紀念性嘅相、重要功課/文件等等,放上去,佢地個備份系統點都可靠過你自己屋企囉!不過我就唔建議你放啲唔見得人嘅相上去,畢竟曾經都發生過

2, 用正版Windows同保安軟件
一砲過買斷隻大型開發咗幾年嘅Game就嫌貴,垃圾手遊就狂課金;幾千蚊買張顯示卡再加靚芒貴Mouse,Windows就用開心版。呢啲都係好多香港人習慣做嘅事。不過為安全起見,有啲錢真係唔應該慳。依家買隻正版Windows都係千幾蚊,連機更加只需幾舊水。另外正版保安軟件一般都係三幾百連一年update,比起你唔覺意一中個勒索病毒平得多啦!

3, 收咩都諗一諗起開
近年「順豐」同「入境處」電話都街知巷聞,但都Keep住有人中招。其實網上啲詐騙檔案一樣好鍾意扮晒其他正常程式,所以亦都會Keep住有人中招。如果你收到任何電郵或者甚他檔案,最好都係先確定send畀你嘅人係咪真係你識嗰個,咁中招機會就大大降低。

防不勝防  有防好過唔防
其實只要做咗以上三樣嘢,中招機會已經會好低。而就算中招,起碼都唔會真係唔見晒對你嚟講最重要嘅檔案啦!

相關文章

更多文章

《加勒比海盜:惡靈啟航》
醞釀魔盜王接班人

 KS 於 3小時之前發表

不經不覺,《加勒比海盜》系列原來已拍了14年,連同最新的《加勒比海盜:惡靈啟航》來計,有了5齣作品。未知還有多少「魔盜王迷」尚會誓死追隨系列靈魂人物,即尊尼特普飾演的Captain...

詳細閱讀

好game有好報
《巫師3》今年首季銷量仲高過上年同期

 航仔 於 1日之前發表

一隻好遊戲究竟壽命可以有幾長?波蘭遊戲開發商CD Projekt Red早前公布2017年第一季度財務業績,總收入增長17%,達9930萬波蘭茲羅提,奇就奇在CD Projekt ...

詳細閱讀

X-Men外傳《The New Mutants》行恐怖片路線

 航仔 於 1日之前發表

Marvel超級英雄片雖然娛樂性爆燈,但格局略嫌大路,欠缺驚喜,因此《死侍》、《盧根》等具備另類風格嘅作品至能夠成功跑出,X-Men外傳電影《The New Mutants》更計畫...

詳細閱讀

都係窄邊框
Galaxy Note 8疑似邊框流出

 蛇叔 於 1日之前發表

日前同大家分享過一段懷疑係Galaxy Note 8 Dummy嘅短片,真假就肯定證實唔到,但黑色一舊膠實在較難令人信服,不過今日再有人爆料,唔知今次可信性由有幾高?
......

詳細閱讀

唔止容量多咗咁簡單?
紅米Note 4X高配版

 蛇叔 於 2日之前發表

3月嗰陣小米香港引入紅米Note 4X,雖然規格為佢帶來好評,但有部份人認為3GB RAM+32GB ROM配置始終唔夠用,所以後來香港亦順應民意加推高配版。......

詳細閱讀

Fuze Card:一張智能卡取代30張卡

 航仔 於 2日之前發表

「一卡傍身,世界通行。」 - 呢句出自某大信用卡公司嘅經典宣傳標語,原本Plastc智能信用卡可真正實現,可惜呢個眾籌項目最終以爛尾收場,未竟全功。最近Indiegogo再殺出擁有...

詳細閱讀