是咁的，以下文字將以廣東話書寫，看不懂的，請自行離開！好行夾唔送喇！
o尋晚「黑妹」葉姵延代表香港，出戰倫敦奧運羽毛球女單八強，全港網民都勁落力為佢打氣！無他o既，土生土長o既佢，一口純正流利o既港式廣東話，聽落真係零舍感動！
近年唔識入鄉隨俗o既人橫行香城，一句「唔識聽」大晒！就連最近彭浩翔導演o係香港書展o既講座，都俾人強烈要求用煲冬瓜講o野！當全場絕大多數o既香港人冇到！！![[sosad]](/faces/sosad.gif)
好在彭大導夠醒目，一o野KO對方！成功捍衛母語，勁型！不過o係自己o既屋企，都唔可以用母語講o野，真係好想喊！係咪先？
仲膠o既都有呀！話說成班香港人去第二度旅行，自己人用廣東話吹水，都俾強國人話唔淮講「鳥語」喎！喂！香港人唔講廣東話，唔通講婆羅乃文咩？
唔講激氣o野喇！講下我o地o既母語有幾威先！
廣東話除o左o係港澳、廣東、廣西、美加、澳紐、東南亞多華人講之外， 連聖誕島都通行！全世界有一億二千萬人講o架，好巴閉！你睇荷李活西片入面o的華人，個個都講廣東話就知啦！
不如睇下我o地o既巴絲打o係外國講廣東話o既奇遇o丫！有巴打就試過，去到美國食M記，個洋妞店員問佢:「食o的咩野？」又有巴打去到比利時，有個英國紳士同佢講一聲「你好！」連o係澳洲蒲吧，實Q都識對住香港人講：「亞太區有一天成為亞太區你個街！」呢o的奇遇真係又親切又過癮o架！
廣東話有幾堅？就咁「福佳」兩個字，已經勝過千千萬萬個他他媽媽！講霸氣真係冇得輸！！
【相關討論】
一齊講下旅行時遇到外國人同你講廣東話既情況
[廣東話RIP] 這裏是中國！說普通話！說甚麼鳥語
在香港生活幾十年,從未想過在自己地方講廣東話,竟需一再抗爭
[真係有片]彭浩翔:「唔識聽廣東話的請拍手。」
「直線求挑機」世界上最霸氣既粗口一定係廣東話