吃喝玩樂

中文宅圈大地震!
兩字幕組成員被日本警方拘捕

女漢子1年1個月之前發表

夏季動畫番組陸續收尾,秋番未開波呢兩個星期都比較靜局,點知噚晚日本傳來震驚中港台三地宅圈嘅消息。兩名在日嘅字幕組成員,被日本京都府警方以違反著作版權法為由拘捕,係日本首次向民間自組字幕組採取法律行動。
被選中嘅細路成員來自兩個著名字幕組,分別係「異域字幕組」嘅王亮(網名「童話」),以及於歷史超過10年嘅老牌大組「澄空學園」擔任後期製作嘅楊王軼(網名「yjy」)。前者於7月31日上傳《亞爾斯蘭戰記 風塵亂舞》畀字幕界朋友,後者則於8月18日上傳《Fate/kaleid liner 魔法少女☆依莉雅 3rei!!》至網路,查番時間應該係第7集,結果遭警方巡查網路發現,依照IP地址鎖定並拘捕。

雖然近年日本動畫界開始積極同bilibili、愛奇藝等網站合作,推出「官方中文字幕正版」,播映時間同日本極接近,但基於字幕組翻譯質素普遍較好,睇過官方版就明誤翻得幾嚴重,或者有較詳細註解等原因,好多人仍然鍾意等字幕組出seed,所以消息令唔少動漫迷十分擔心:唔係唔肯畀錢,而係睇直播唔識日文,等日本政府放上有排等兼得英文,以後點追新番呀?筆者都解答唔到呢個千古難題,大家快啲努力學日文喇。至於江湖傳聞兩人係因為字幕組內鬨被篤,澄空已出面否認,但表示下個月十月新番字幕發布將受影響。

兩名被捕人士身份由其他字幕組人員證實為「童話」及「yjy」

部份字幕組會加入詳細註解,介紹角色使用品、場景設定等(圖為異域字幕組《漆黑的子彈》)

澄空同另外兩個字幕組合製《Fate/kaleid liner 魔法少女☆依莉雅 3rei!!》出事

澄空發言人表示下季字幕製作將會受影響

相關文章

更多文章

露台改成廳:其實啱唔啱例

於 7小時之前發表

我想買層樓。月華街50年樓。睇中咗個單位但業主將露台變咗做廳。我問地產佬,佢話得得得冇問題。我想問吓各位大哥我要點先查詢到有冇違例?
......

詳細閱讀

如果返工成日好得閒點算?

於 7小時之前發表

有啲想轉工但做咗好耐唔想就咁走......

詳細閱讀

豆豉鯪魚送白飯堅正

於 8小時之前發表

我試過一罐食3碗飯......

詳細閱讀

英文是全世界最美麗語言

於 8小時之前發表

English
日文先好聽
唔覺法文啲吐痰就好正咩......

詳細閱讀

疑似Oppo R13實機照:全黑Android版iPhone X?

 航仔 於 8小時之前發表

雖然三星落力取笑iPhone X嘅M字額,但Apple新手機設計似乎仍吸引到唔少中國廠商「仿傚」。最近傳聞中嘅Oppo R13實機照流出:全屏幕設計、M字額加上虛擬Home鍵,係咪...

詳細閱讀

玩家建造《Star Wars Battlefront 2》刷裝神器?

 航仔 於 9小時之前發表

《Star Wars Battlefront 2》課金制「鼓勵」玩家畀錢抽卡,有忠心fans買咗想解開武器同英雄,但有唔想再科水可以點做?Reddit用戶Lowberg選擇建造一部...

詳細閱讀