吃喝玩樂

真係咁劣評?
Metal Build F91值唔值

KM8個月之前發表

因為用咗好多金屬部件而且造功好,Bandai嘅Metal Build系列高達大部份都係出咗冇耐就被炒到貴一貴。不過今次作為主角機嘅F91一反常態,保持住喺訂價水平,少數舖賣價更加輕微回落,事關唔少提早預訂嘅朋友即日開箱都表示失望。佢係咪真係如傳說中咁差先?筆者今次抱住必死嘅決心,自己出錢買隻返嚟,同大家check吓佢係咪真係咁劣評。
老實講,畀錢嗰下筆者都有少少肉赤,佢價錢同當日隻金迷接近,但個盒嘅size就同最MB系列入面最平嘅Gundam EXIA Repair差唔多(雖然F91本身設定就細隻啲),而且配件唔多,感覺好似特別貴。拎到返公司開盒,所有嘢一如預期,真係得咁少料……冇計啦,冇巨形背包,又冇特別武器嘅F91係得咁多嘢之嘛。
◆ 機體、底座加幾件武器,就係得咁多嘢
◆ 其實都幾有型吖
◆ VSBR可以話係F91嘅重點,而今次MB設計到佢都幾複雜,除咗拉長咗,仲會拉闊埋,更加有氣勢
◆ 其他武器就得咁多,留意支大砲線條都幾精細
拎隻F91上手,原來都好墜手喎,話明Metal Build,唔係咁就死得啦!身形比例同以往大部份Metal Build一樣,上身同兩膞裝甲比較大,雙腿冇設計得特別長,腳掌亦比較細。雖然呢方面風格相近,但筆者覺得F91整體身形比例比突擊自由等同系產品嚟得順眼。另外,今F91並未有加入太多原設計冇嘅色塊,保留F91原有簡約嘅風格,更突顯F91嘅曲線美。上色方面,全身都上咗光面,原白色部份採用咗冷調淺灰,關節上咗黑鐵色,胸甲就用咗偏沉嘅深藍色,整體感覺比較cool,但唔會陰陰沉沉。而成隻嘢最搶眼嘅地方,就係背部兩支鮮藍色嘅VSBR,平時放背面唔係好覺眼,但發射狀態放返去前面時就好突出,配色極有心思。F91另一個特別設計係會「變臉」同兩膊拉開,主要係需要高輸出時作散熱之用。Metal Build作品中兩膞散熱片可以直接拉出,而為咗滿足唔同要求玩家,Bandai就整咗一個可以「變臉」嘅頭,再整多個「換面」嘅頭打孖咁送埋畀你自己揀。前者當然係更貼近真實,而後者造型上比較靚,不過其實「變臉」個頭都唔係太差啫!
◆ 左邊係平常狀態,右邊係高輸出狀態
◆ 「變臉」過程並唔複雜,但要注意左右兩邊要合埋得啱啱好先會靚
◆ 左邉係「變臉」頭,右邊則係「換臉」頭,筆者就覺得變臉好玩啲,而且都唔係特別樣衰吖
◆ 除咗散熱板,上方散熱窗亦合伸出
雖然配件唔多,但反而令呢隻F91冇其他多配件嘅高達咁累贅,配合Metal Build關節上都設計到大幅度可動,要擺出唔同靚pose根本完全難唔到佢。
◆ 左手邊裙甲可以打開拎兩把鐳射劍
◆ 手可以180度摺起
◆ 成隻嘢筆者最唔滿意反而係後面夾大砲個位夾唔實支大砲,搞到好易唔平衡
◆ 大脾同小腿動作可以好大,膝部有輕微連動,唯腳掌可動角度一般
◆ 反而個盾好多角度都會畀膊頭裝甲頂住
◆ VSBR開動,不過原來一雙手好難放啱手柄位
總括嚟講筆者認為呢隻不論喺造型、造工同埋可動性方面都有好高水準。初出售價雖然同其他大部份Metal Build高達相近,但機體較細、配件少,的確會令人覺得佢唔抵玩。雖然個別店舖落過少少價,但全被秒殺,似乎暫時唔會有太多誘因再落價。當然,F91並非多人鍾意嘅機體,如果以「保值」為重要考慮因素,個人建議要三思。如果單純想買一隻靚嘅高達返去玩,「早買早享受」都係唔錯嘅選擇。

相關文章

更多文章

露台改成廳:其實啱唔啱例

於 8小時之前發表

我想買層樓。月華街50年樓。睇中咗個單位但業主將露台變咗做廳。我問地產佬,佢話得得得冇問題。我想問吓各位大哥我要點先查詢到有冇違例?
......

詳細閱讀

如果返工成日好得閒點算?

於 8小時之前發表

有啲想轉工但做咗好耐唔想就咁走......

詳細閱讀

豆豉鯪魚送白飯堅正

於 8小時之前發表

我試過一罐食3碗飯......

詳細閱讀

英文是全世界最美麗語言

於 8小時之前發表

English
日文先好聽
唔覺法文啲吐痰就好正咩......

詳細閱讀

疑似Oppo R13實機照:全黑Android版iPhone X?

 航仔 於 8小時之前發表

雖然三星落力取笑iPhone X嘅M字額,但Apple新手機設計似乎仍吸引到唔少中國廠商「仿傚」。最近傳聞中嘅Oppo R13實機照流出:全屏幕設計、M字額加上虛擬Home鍵,係咪...

詳細閱讀

玩家建造《Star Wars Battlefront 2》刷裝神器?

 航仔 於 9小時之前發表

《Star Wars Battlefront 2》課金制「鼓勵」玩家畀錢抽卡,有忠心fans買咗想解開武器同英雄,但有唔想再科水可以點做?Reddit用戶Lowberg選擇建造一部...

詳細閱讀