吃喝玩樂

爐石周邊介紹(一)

資料由HK Esports提供7個月之前發表

爐石戰記由出咗到而家都非常之受歡迎,作為粉絲嘅當然唔少得收集一眾精美嘅爐石周邊啦!官方由推出官方幣品商城至今,一直推出咗好多唔同嘅爐石精品俾大家購買,而呢跟住落嚟嘅時間就等小編為大家介紹下有邊啲爐石周邊係最受玩家們歡迎啦!
爐石儲藏箱
如果大家有留意到爐石嘅版面,就會發現爐石戰記其實係模擬係一個魔法盒子入面玩嘅卡牌遊戲。而呢個儲藏箱,就係同遊戲入面果個爐石對戰盒一模一樣嘅儲藏箱啦!呢個儲藏箱大小係8.5'x11'x3',算係一個都算幾大嘅儲藏箱嚟嘅。儲藏箱有住仿製嘅木紋外表同鍍金裝飾。係細節上面,仲有經過塗黑嘅舊化處理,令成個儲藏箱睇落去都有坐濃厚嘅古舊氣息!除此之外啊,打開呢個爐石儲藏箱仲會有爐石戰記嘅主題曲播出嚟添!呢個爐石儲藏箱,大概係眾多精品之中最受玩家們歡迎嘅啦!

爐石造型咕𠱸
新入坑爐石嘅朋友,可能都會唔知「爐石」呢樣物品係咩嚟。但事實上呢,爐石其實係魔獸世界入面其中一樣道具嚟!爐石係一舊刻有一個藍色符文嘅石頭,係魔獸世界遊戲入面可以向世界各地嘅旅店老闆取得,只要設定好指定嘅旅店後,不論世界各地,都可以用爐石番番去玩家指定嘅「家」。所以呢個爐石造型咕𠱸,並唔係冇目的咁使用灰色圓形做主體嘅,而係為咗模仿爐石原有面貌而造出嚟嘅精品。而爐石造型咕𠱸,大概都會同爐石儲藏箱一樣咁受玩家歡迎,因為爐石不論係魔獸世界定係爐石戰記,都係一樣好有意義同共同回憶嘅紀念品!

爐石仿木製馬克杯


爐石嘅馬克杯同爐石儲藏箱有住相似嘅外表,都係希望透過木紋同鍍金裝飾嚟令隻杯更有陳舊嘅氣氛。呢一隻杯相信大家都曾經係爐石戰記入面見過,而佢就係參照旅店老闆手上嘅酒杯而打造嘅啦!上面更加印有爐石戰記嘅標誌圖案,除咗美觀之餘,仲非常之實用,係玩家社群都深受玩家們垂青!

爐石主題便攜水壺
爐石仿木製馬克杯嘅設計,隻杯雖然美觀,但卻難以攜帶出外。如果希望可以透過個隨身物品去表示自己係爐石嘅粉絲,爐石嘅水壺可能就係你另外嘅一個選擇啦!爐石主題嘅便攜水壺大小為11'x5',材質為塑膠同少量金屬,相比起爐石仿木製馬克杯更加便於攜帶!雖然外表並冇好似爐石仿木製馬克杯咁細膩,但爐石主題便攜水壺則係用咗爐石嘅主題色啡色嚟做水壺嘅主題色,配以彩色嘅爐石Logo,簡約得嚟亦不失爐石嘅特色!如果咁多位爐石玩家希望買一樣便於攜帶又實用嘅精品,爐石主題便攜水壺絕對係你地嘅一個好選擇!

相關文章

更多文章

提防大陸假正體字,角 亮 低 麵 茶 營 骨 雨 化 起 別,都有分別

於 2小時之前發表

先唔講要用另一個字借用嗰堆字,電腦字本身已經「搞亂」晒啲寫法......

詳細閱讀

其實E-kids個E字點解?

於 2小時之前發表

......

詳細閱讀

Netflix《夜魔俠》第三季首播時間公布

 航仔 於 4小時之前發表

Netflix啱啱公布《漫威夜魔俠》第三季前導預告,定於10月19日播放。夜魔俠先前於《漫威捍衛者聯盟》因隧道倒塌而「疑似身亡」,但30秒預告片中顯示夜魔俠醒來已身處於不知名教堂內...

詳細閱讀

航拍應用成趨勢 成就個人事業
免費航空攝影和錄像製作工作坊

 資料由客戶提供 於 4小時之前發表

近年航拍機使用率急速提高,於各媒體上時常可以見到一些鳥瞰攝影、攝錄作品。而航拍也成為很多愛好者的假日活動,無論巿區、郊野也不時可見航拍機的蹤跡。其實除此之外,隨著航拍器材越來越輕巧...

詳細閱讀