《Counter-Strike: Global Offensive》推出多年依然屹立不倒,Valve決定為遊戲再谷一谷人氣,宣布遊戲改以free-to-play方式營運,並引入近年大熱嘅大屠殺模式,名為「Danger Zone」。
遊戲基本完全免費,玩家可參與所有遊戲模式同配對,以及有限嘅物品或武器箱掉落;加US$15轉成「Prime」狀態,為Prime玩家提供特殊配對,有機會獲得Prime獨家紀念品、物品或武器箱掉落。大屠殺模式Danger Zone參與玩家人數冇其他遊戲咁多,每回合最多只得18人,可單人或組二/三人小隊「互片」,槍械跟《CS:GO》其他模式表現相同,不過玩家需要早其他人一步購買以取得優勢。