科技消費

語音輸入+翻譯好幫手
TranSay Word

航仔5個月之前發表

語音助理開始普及,從手機平台以至智能家居都會應用到,大家都唔會覺得陌生。對於經常使用文字輸入或翻譯嘅用家,TranSay Word語音轉換翻譯機應該可以幫到手。
TranSay Word體積小巧,機身內置收音咪,毋須再配上其他裝置輔助。將翻譯機USB介面連接至電腦,從官網安裝專用程式即可使用,支援Windows 7以上嘅PC電腦。TranSay Word可以識別廣東話、普通話及英文語句,TranSay Word能即時將語音轉成文字,或翻譯成多達25個語言。

TranSay程式介面相當簡單,選擇「輸入語言」及「輸出語言」,「ON」代表語音翻譯,而「OFF」就代表語音轉換成文字。按住滑鼠中間滾輪或鍵盤上[end]鍵開始錄音,然後講出想辨識語句,TranSay Word就會自行辨識並轉換成文字。

官方稱TranSay Word使用「AI語音辨識功能」,筆者初時以為只係純粹噱頭,但試用後發現佢嘅語音辨識準確度原來真係相當高,即使係廣東話中「唔」、「嘅」之類嘅口語都能夠成功辨認,不過語句唔可以中英夾雜。其後筆者再以澳門行政長官崔世安宣誓就任嘅普通話誓詞片段「挑機」,命中率竟然都有6、7成,尤其是「中華人民共和國」、「澳門特別行政區行政長官」等專有名詞並冇失手轉換錯誤。

TranSay Word最核心嘅語音辨識能力值得讚賞,不過當中並唔係冇地方可以挑剔,例如程式介面設計過份簡陋,一開始使用時筆者都唔知點樣睇到轉換或翻譯結果,後來先知道TranSay Word程式結合咗「複製貼上」功能,只需於任何空格位置按「貼上」就可以睇到結果,但筆者認為如果程式附設文字編輯工具會更佳。

另外,TranSay Word USB手指內建收音咪嘅設計局限其使用方式,例如連接手提電腦要使用左右兩側嘅USB接口,插機背嘅USB介面可能就會收唔到音;至於透過桌面電腦使用就更受限制,如電腦擺放於檯底,用戶就要將TranSay Word連接至USB延長線去解決。整體而言,TranSay Word語言輸入及翻譯表現合格,若果將來發展成即時翻譯耳機等應更具潛力。
TranSay Word
TranSay Word
機背USB接口可連至鍵盤或滑鼠
機背USB接口可連至鍵盤或滑鼠
前置USB接口連至電腦
前置USB接口連至電腦
收音咪接收範圍近1米
收音咪接收範圍近1米
隨插即用,相當方便
隨插即用,相當方便
TranSay專用程式
TranSay專用程式
TranSay Word資訊
輸入語言:廣東話、英文、普通話
輸出語言:中文(繁體及簡體)、英文、日語、韓語、法語、西班牙語、泰語、阿拉伯語、俄語、葡萄牙語、意大利語、希臘語、荷蘭語、保加利亞語、愛沙尼亞語、丹麥語、芬蘭語、羅馬利亞語、瑞典語、匈牙利語、越南語、文言文
系統要求:只適用於Windows 7或以上
銷售點:LCX / 偉倫電腦 / CSL / HKTVmall / DDS lifestyle
查詢: ADAM elements (電話: 3188 5829)
定價: $349

相關文章

更多文章

《DEATH STRANDING》新片示範主角野外小便

航仔  於 13小時之前發表

小島秀夫《DEATH STRANDING》遊戲玩法仍然係個謎,Gamescom遊戲展公布三段新片, Mama、Deadman與Bridge Baby角色介紹影片固然係精彩,但論話題...

詳細閱讀

Sony宣布收購遊戲工作室Insomniac Games

航仔  於 14小時之前發表

Insomniac Games旗下多個遊戲系列廣受好評,包括《Spryo the Dragon》、《Ratchet & Clank》、《Resistance》、《Sunse...

詳細閱讀